Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Nymphoides peltata

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Fausso-ninfo

Nymphoides peltata

Menyanthaceae Gentianaceae

Nom en français : Faux Nénuphar.

Descripcioun :
Vaqui uno planto aparado que s'atrovo quàsi plus au nostre. Trachis dins uno lono de la valado dóu Rose. Aquesto fausso-ninfo douno d'èr à la vertadiero (en bèn mai pichoto), pamens fai partido di dicoutiledouno. Se recounèis à si fueio e si flour jauno. Se destrio de Hydrocaris morsus-ranae que lou dessouto di fueio èi cubert de boudougneto e li flour soun jauno d'or.

Usanço :
La planto sarié manjadisso, mai n'i'a deja pu gaire ! Èi vertuouso contro li fèbre, li verme dóu quiéu e fai pissa.

Port : Erbo
Taio : 15 à 200 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Nymphoides
Famiho : Menyanthaceae
Famiho classico : Gentianaceae

Ordre : Asterales

Coulour de la flour : Jauno
Petalo : 5
Ø (o loungour) flour : 2,5 à 4 cm
Flourido : Printèms - Estiéu

Sòu : Ca
Autour basso e auto : 0 à 400 m
Aparado : Vo
Jun à setèmbre

Liò : Lono - Mueio - Aigo
Estànci : Mesoumediterran à Coulinen
Couroulougi : Éurasiatico
Ref. sc. : Nymphoides peltata (S.G.Gmel.) Kuntze, 1891

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Nymphoides peltata

ges

Coumpara Lambrusco(-bastardo) emé uno autro planto

Coumpara Fausso-ninfo emé uno autro planto